يالى بتسال عن مصر وجاهل مكانها
اسال كتاب التاريخ يدلك عن مقامها
مصر الابيه بلدالسلام
مشهوره لكل الدنيا بالامن والامان
واهلها طيابه واجدع الجدعان
نيلها بيجرى فيها شايل الخير
وناسها ملينين طيبه وحب للغير
جعلها رب العباد درع البلاد والدين
اسال كتاب التاريخ يالى جاهل مقامها
يحكيلك قصص اتكتبت بدم ولادها
ندا صلاح الدين بيرن فى ودانى
فلسطين دى شرف الامه وحطين دى مىعادى
حطين يا غاليه علينا يسلم ادين نسرك
وعين جالوت الله يسلم ادين قطزك
ونداء وااسلاماه بيهز عرش الطغاه
ياريتنى كنت معاهم لاجل ما اردد نداهم
واكسب رضا الرحمن
ولسه يا سيدى امجاد متتعدش
وبور سعيد والسويس رجال متتهتش
وقفوا فى وش الغزاه جبال متتهزش
ولاهلهنا فى سيناء بطلات متتعدش
ياسلام عليهم رجال برغم المحن صبرين
احتار فى وصفهم الزمن
يلين الحديد ودول كما الجبل ثبتين